項明生提倡深度遊:日本唔係得食玩買 – on.cc東網 (註冊)

Home » ホビー » 項明生提倡深度遊:日本唔係得食玩買 – on.cc東網 (註冊)
ホビー, 食玩 コメントはまだありません



「旅遊達人」項明生(James)出席航空公司活動,為慶祝日本高松航線一周年,成為「香川高松旅遊情報特工」。James在台上即席表演手切當地著名的讚歧烏冬,他表示是第一次,笑言怕切到手指。

問到James有否到訪高松,他說:「細個嗰時去過,讀大學嗰時我係全日本咁去,歷史太耐,所以唔係好記得。不過嚟緊下個月,我會坐航空公司以烏冬為主題嘅飛機去5、6日,因為高松有好多地方好值得去,係一個好出名嘅大法師空海大師嘅出生地,而且好有歷史。自己好鍾意研究歷史文化,喺無綫播緊嘅旅遊節目《京都奈良夢華錄》都係講緊呢樣嘢,唔想淨係講飲飲食食,例如:有個好靚嘅庭園叫栗林公園,係日本其中一個最靚嘅花園。其實四國係比較少人留意嘅地方,以前交通冇咁方便,依家就有得直飛,仲係賣緊百幾蚊,抵到爛啦!(今次去高松係做啲咩?)主要係去寫專欄同埋拍片擺上網。」

談及James將會於書展推出兩本新書,他說:「一本講提前退休系列第三集,另一本主要講宗教聖地呢類旅遊。(籌備咗5年?)係呀,日本嘅宗教地方我都去咗好多,唔係淨係得『食玩買』啦,好多人話香港人淨係識得咁,而我覺得旅行係可以好似修行咁,可以深入好多。」他透露書展屆時會舉行兩場講座。






コメントを残す